Сиясет ве шахсиет
Арсений Петрович Виктор Андреевич ичюн эм шахсий къорчалав джеэттен, эм де бутюн
тайфасы ичюн, бесе-белли, кефалетчи
Виктор Ющенко не исе де Арсений Петровичке бир теклиф этти. «Мен Арсений Петровичке олгъан озь ачыкъ гонъюллигимни гизлемейим. Мен бу инсанны чокъ йыллардан берли билем. Онынъ девлет саасында осюви, шу джумледен, меним къарарларым иле багълыдыр. Мен, Яценюк Украинагъа, миллет ичюн зарур, корюмли ве келе-джеги айдын сиясетчи олгъанына эминим», - деди эеджаннен украин Президенти.
Виктор Ющенко ве Арсений Яценюк арасында айрыджа мунасебетлер олгъаны чокътан белли. Арсений Петрович Президент ичюн якъын инсан, чюнки онынен даима тебессюм иле къонуша, онынъ Триполье эски савутларыны къолгъа алып меракънен огърене, девлет башынынъ рефикъасы Екатеринанен достлаша. Атта озь къызларыны В. Ющенко къызларынынъ шерефине Кристина ве Софья, деп адландырды… теэссюф ки, олар ичюн кум олмады.
Тааджипли шей: тамам ойле сыджакъ мунасебет ве дуйгъуларны яш истидатлы сиясетчиге нисбетен Леонид Кучма да косьтере эди. Гъалиба, эбедий олмагъан озь зенаатынынъ тез якъынлашкъан сонъуны корип, Виктор Андреевич аджеле суретте озюне идаре этиледжек денъишмени азырлай башлады. Затен, идаре этиледжек.
Белли алим Паркинсоннынъ къанунларына риает этерек, терджрибели мемур Ющенко акъыллы варисчиге юзь бермез - чюнки о хавфлы оладжакъ. Бу къаидени Виктор Ющенко чокътан ве эбедий менимседи. Къана айтынъыз, Ющенконынъ тар даиресинде акъикъатен де акъыллы инсанны тапып олурсызмы? Даа догърусыны айткъанда, Виктор Ющенкогъа нисбетен даима Виктор Балога акъыллы олып чыкъмакъта.
Президент Яценюкны шахсен озю «осьтюргенини» ве озю бильген шейлернинъ энъ къыйметлисини онъа такъдим эткенини гизлемей. Бу сырада теджрибе, бильги, файдалы алякъалар… Агъыр дакъкъаларда даима оны тынчландырып кельди. Бу шейлер келе-джекте унутылмамакъ кереклер. Бойлеликнен, Яценюк Виктор Андреевичке керек олгъаны ачыкъ-айдын факттыр.
Биринджиден, Арсений Петрович Ющенко ичюн эм шахсий, эм аилевий къорчалавында кефалетчидир. Яценюк акимиет башында имкянлары олгъаны себебинден ве бунъа эсаслангъан Виктор Андреевичнинъ аилевий тиджарет ишлерини бозмагъа ич бир вакъыт юрекленмез.
Экинджиден, Арсений Яценюк, Виктор Ющенко америкалы имаеджилери огюнде кечмиште озь бойнуна алгъан меджбуриетлерни беджермеге тырышаджакъ. Сёз сырасы, Яценюкнынъ татасы Америка Къошма Штатларында яшай.
Учюнджиден, Виктор Андреевичнинъ дудюгине чалгъан Арсений Петрович ойле алда да къала биле. Демек, Ющенко «Виктор Андреевич Ющенко» адлы эбедий зенааты акъкъында озь арзусыны амельге кечиреджектирдир.
Бойле Яценюк Украинагъа керекми, деген суаль къалмакъта.
www.fraza.ua адлы сайттан алынды.
Фикирлер
Фикирлеринизи языныз