Къырымнынъ язы
28 Июня 2008 | Дигер
Ава сыджакъ, кунешли,
Нурлары алтын телли.
Ер юзюни къыздыра,
Эм ерни пек чатлата.
Сыгъырлар чёльде отлай,
Бу сыджакъта пек сувсай.
Оларгъа талда керек,
Эм салкъын сув - тек истек.
Терек ешиль кийимде,
Отлар къуру - олюмде.
Ешиллиги энди аз,
Солар, къурур -бир къалмаз.
Шу вакъытта топлана -
Булут кунешни къапата.
Кок ачувлы гудюрдей,
Ягъмур ягъмагъа истей.
Ягъа - табиат денъише.
Сыджакъ ёкъ, яхшы, иште:
Къушчыкълар шенъ йырлайлар,
Бир - биринен ойнайлар.
Коккъушакъ пейда олды,
Тюрлю ренклернен толды.
Балаларны шашырды,
Даа чокъ вакъыт турды.
Тамчылардан сыланды,
Сув тенге джан ашлады
Эр осюмлик айынды
Тез осьмеге башлады,
Кобелек учып шенъленди.
Балкъурт чечекке къонды,
Салкъын, темиз ель эсти,
Сыджакъны енгиль кести.
Ягъмур ягъды, яхшы олды.
Юрек къуванчкъа толды,
Лякин ярын даа сыджакъ
Бу Къырымгъа къонаджакъ!
Мустафа АМЕТОВ,
Джумхуриет гимназия-интернатынынъ
9-а сыныф талебеси, Буюк-Сюрень кою.
Фикирлер
Фикирлеринизи языныз