Укюмет башынынъ анълатувлары
Татильге чыкъкъан парламент эм Тимошенко укюметине ишанч бильдиргени, эм де айны шу укюмет тарафындан 2008 с. бюджети боюнджа азырлангъан тюзетювлерни «батырып» кеткени парадокс дегильми? Регионджыларны дюньянынъ бутюн денъизлеринден чагъырып алдылар.
- Везирлер Диваныны истифагъа чыкъармакъ ичюн Парламентте 230 рей бар экенлиги этрафында ярым йылдан берли япылгъан фитнелер эписи ялан олып чыкъты, - къайд этти Юлия Тимошенко 12-июльде журналистлернен олып кечкен корюшювде - брифингде. - Укюмет эминликнен чалыша ве онынъ ичюн истифа хавфы ёкъ.
Регионлар фиркъасынынъ укюметни истифагъа чыкъармакънен багълы арекетлери Ю. Тимошенкогъа тааджипли корюнсе де, менфий дуйгъуларны багъышламады.
- Мен Регионлар фиркъасы укюметни истифагъа чыкъармакъ ичюн озь халкъ депутатларыны дюньянынъ бутюн денъизлеринден чартер махсус сымарыш ве шахсий учакъларнен, сувасты гемилеринен - кетиргенини мемнюниет иле козетип кельдим, - деди Юлия ханым.
Мен билем, Регионлар фиркъасындан олгъан бир халкъ депутатыны, атта оны нерпа (тюленининъ чешити) авджылыгъына кеткен узакъ шимальден чагъырттылар. Укюметни истифагъа чыкъармакънен багълы истеклер себебинден, иште, ич олмагъанда, бир нерпа сагъ къалды.
Бугуньки бюджетке денъишмелер кирсетмек меселеси узакъшаркълы нерпагъа бакъкъанда «частсыз» корюне: Юкъары Рада теклиф олунгъан ич бир къанун лейихасы ичюн ойле де рей бермеди. Чокътан берли укюмет тарафындан азырлангъан лейиха да, тез арада азырлангъан президент теклифлери де кучьке кирмедилер.
Баш везир эмин: 2008 сенесининъ девлет бюджетине зарур денъишмелер кирсетильмесине Президент Ющенконынъ позициясы кедер этти. Парламентте бакъылмасы ичюн бюджетни укюмет ве тек укюмет кирсетмеси мумкюн, деп косьтерильген Анаясада ве Бюджет кодексинде. Укюмет бойле де япты. Амма девлет башы даа бир - озюнинъ бюджет лейихасыны такъдим этмек къарарына кельди. Бу альтернатив лейиха сонъки дакъкъада, «геджеси кирсетильген эди», - деп къайд этти Баш везир.
Бюджеттен мааш алгъанлар ичюн 32 миллиард
гривнядан файдаланылмай къалды
Юлия Тимошенко укюмет ишлеп чыкъаргъан денъишмелер Везирлер Диваны сонъки ярым-йыл ичинде бюджет ичюн къазангъан къошма 32 миллиард гривня такъсиленювге аит олгъаныны хатырлатты. Бу денъишювлер бюджеттен мааш алгъанларнынъ келирлерини, нефакъаларны, са-къатлар, балалар, чокъбалалы аналар ичюн тёлевлернинъ арттырылмасыны козьде тута эдилер. Бу комюрджилер ве бутюн комюр саасы, кой ходжалыгъы, учакъ ве геми къуруджы ишханелери ичюн къошма паралар эди.
Буларнынъ эписине кедер этильди, анълы суретте бозулды, - тасдикълады Баш везир джумаэртесиндеки брифингде. - Теэссюф ки, укюметнинъ бутюн яп-къанлары - биз исе Украинагъа бу 32 миллиардны бермек ичюн куньдюз де чалыштыкъ, геджеси де - бойле токъалджасына гъайыплыкъкъа алып келинди. Мемлекет сиясий айын-оюнлар ичюн бойле фиятта тёлемекни бойнуна алмагъан эди.
Бугунь укюмет насыл этип хаин депутатларсыз ве Президентнинъ къарышмаювысыз адамларгъа нефакъаны котермекни тюшюне. Насыл этип, бюджетнинъ чатламасына бакъмадан, «Екяне меркез» фиркъасынынъ азалары олгъан ве демократик коалициягъа кирген къардаш-депутатларнен бераберликте, 1-сентябрьден оджаларнынъ, тиббият, илим ве медениет хадимлерининъ айлыкъларыны котерейик ве оларнынъ эмек маашыны екяне тариф сеткасына кечирейик.
Везирлер Диваны пейда олгъан вазиетнинъ укъукъий талилини этип, 2008 с. Девлет бюджетине денъишмелелер кирсетильмеген алда насыл ёлнен ичтимаий тёлевлерге къошма миллиардлар гривнянынъ ёнельмесини огренмекте.
Амма бюджетсиз биз чокъ шейни япып оламамыз, - деп къайд этти Юлия Тимошенко ве сентябрьде укюмет бюджет къабул олунмасыны депутатлардан исрарлыкънен талап этеджегини ишандырды.
Мен богъдай фиятларыны сакълап къалмакъ ичюн пара беклеген кой ходжалыгъы хадимлерининъ бильмелерини истейим: не Литвиннинъ фракциясы, не Регионлар фиркъасы, не де Президент депутатларынынъ теркибинде олгъан «Екяне меркез» бу макъсаткъа 1 миллиарддан зияде гривня айырылмасы ичюн озь рейлерини бермедилер, - деди Юлия ханым. - Мемлекетке бойле мунасебет бильдириле: биринджи ерде сиясий киббарлыкъ, сонъ исе - мемлекетнинъ ве инсанларнынъ меселелери…
Оны беклеген мешакъатларгъа Баш везир сабыр ве атта мыс-къыл иле бакъмакъта. Журналистлернинъ: не ичюн о, парламентте девлет бюджетине денъишмелер музакере олгъанда, канцеляр раптиелеринен пармакъларыны къысып турды, - деген суаллерине, премьер: «Укюметнинъ пармакъларыны даима къапунен къысып тургъанларыны эсапкъа алып, мен бойлеликнен агърыгъа алышмагъа огренем», - деди.
Онынъ айткъанына коре, укюмет имкяны олгъандже, айын-оюнларгъа ве къалабалыкъкъа бакъмадан, кейфиетли чалышаджакъ.
«Комсомольская правда в Украине»ден къыскъартылып алынды.
Фикирлер
Фикирлеринизи языныз