40 бинъ эвни сув басты
30 Июля 2008 | Дигер
Табиат афаты
Украинанынъ гъарбий регионларында кучьлю ягъмурлар нетиджесинде 22 адам, бу джумледен 6 бала ольди. Украина Февкъульаде адиселер Везирлиги матбуат хызметининъ берген малюматына коре, къуртарыджыларнынъ эсас макъсатлары адамларны къыдырып тапмакъ ве эалиге ярдым косьтермектир.
Муреккеп ава шараитинде 2758 адам къуртарылды, 13703 адам башкъа ерге кочюрильди.
Львов, Карпатарты, Тернополь, Черновицк ве Ивано-Франковск виляетлеринде боранлы ягъмурлар чокъ ягъгъаны себебинден 23-26-июль куньлери 40601 эв сув астында къалды, 680,61 км ёл ювулып зарарланды. Бу регионларда 33882 га кой ходжалыгъы мейданыны сув басты, 360 автомобиль ве 561 зияде копюрлер зарарланды.
Украина Президенти В. Ющенконынъ авалесинен махсус комиссия мейдангъа кетирильди. Бу комиссия зарарлангъанларнынъ реестрини аджеле суретте мейдангъа кетиреджек ве пек къыскъа муддетте компенсация колемини эсаплайджакъ.
Фикирлер
Фикирлеринизи языныз