Эмек къорчалав саасында баягъы ватандашымыз чалыша
30 Апр 2008 | Дигер
25-апрельде Къырым муэндислик ве педагогика университетинде Бутюндюнья Эмек къорчалав кунюне багъышлангъан «Тёгерек маса» олып кечти.
Тедбирде эмек къорчалавынен огърашкъан девлет къурумларынынъ векиллери, Акъмесджиттеки базы йири ишханелерде бойле хызметте олгъан болюклерининъ ёлбашчылары, КъМП университети эмек къорчалав кафедрасынынъ алимлери ве оджалары, шу джумледен мудири профессор Д. Якъубов, доцентлер Р. Бекиров, М. Добролюбова, илим намзети Ш. Абитова, келе-джекте эмек къорчалав боюнджа муэндис оладжакъ студентлер ве бу сатырларнынъ муэллифи иштирак эттилер.
«Тёгерек маса»ны университетнинъ биринджи проректоры Э. Люманов ачты ве алып барды. Эсасен истисалда эмекни къорчалавнен багълы меселелер бакъылды ве музакере олунды. Бу саада чалышкъан мутехассысларны бирлештирген ассоциацияны мейдангъа кетирмек теклифи япылды, яш мутехассысларны азырланылмасынен багълы окъув джерьянына янъы, земаневий мевзу ве усуллар кирсетильмеси ба-къылды, теджрибе иле пайлашылды.
Камиль АМЕТ,
Акъмесджит Меркезий районы шурасынынъ депутаты.
Муэллифнинъ фотосы.
Фикирлер
Фикирлеринизи языныз