25-августта Миллий Меджлиснинъ медениет ве маариф идаресининъ ребери Сафуре Каджамет Нью-Йорктан кельген мусафир, диаспорада яшагъан семетдешимиз Зарема Челеби иле корюшти. Зарема ханым «Маарифчи» ассоциациясынынъ векили оларакъ учь йыл эвель Нью-Йоркта къырымтатар тилинден дерслер тешкилятландыргъан эди.
Онынъ айткъанына коре къырымтатар балалары инглиз тили муитинде пек тез алышалар ве озь ана тилини унуталар, озь тилинен меракъланмайлар. Онынъ ичюн Америкада олгъан диаспорада тиль муити яратмакънынъ чареси ёкъ экен.
Бунъа бакъмадан, ана тили ве къырымтатар медениетине дикъкъат джельп этмек, меракъ догъурмакъ макъсадынен С.Каджамет ве З.Челеби махсус лейиха ве базар куню мектебининъ программасыны ишлеп чыкъардылар. Бу ялынъыз тиль дерслери дегиль, догъмуш адетлер, ань-анелеринен таныштыргъан бир медений корюшювлер оладжакъ.
З. Челебиге окъув-усулджылыкъ эдебияты ве къырымтатар одасыны яраштырмакъ ичюн чешит корьгезме материаллар шекилинде гуманитар ярдым берильди.
Меджлиснинъ матбуат хызмети.
Фикирлер
Фикирлеринизи языныз