Энъ яланджы ве мунафыкъ къарар
13 Сен 2008 | Миллий тарих
Тарих левхалары
Бу сене 5-сентябрьден АТР каналында «Тарих левхалары» деген программа чыкъмагъа башлады. Бу программа къырым халкъынынъ фаджиа, базыларда бахтлы кечмишине, онынъ айдын вакъиаларына ве адамларына багъышлана. Онынъ муэллифи - тарихчы Гульнара Бекирова. Бу программанынъ 1967с. 5-сентябрьнинъ къарарына багъышлангъан биринджи къысмыны сизинъ дикъкъатынъызгъа теклиф этемиз.
Бир вакъытта Израиль президенти Хаим Вейцман: «Мы дети торговцев, но мы же и внуки Пророков», деп айткъан. Бу сёзлерни: «Мы дети спецпереселенцев, но мы же и внуки ханов» киби къырымларгъа аит чевирмек мумкюн.
41 йыл эвель, 1967с. 5-сентябрьде СССР Юкъары Шурасы Президиумынынъ 493 санлы «О гражданах татарской национальности, проживавших в Крыму» къарары къабул этильди. Чокъ йыл девамында айны шу къанун 1944 сенеси сюргюнликке огърагъан къырым халкъына нисбетен сиясетни тайинленди.
Бу къарарнынъ къабул этилювинден эвель къырымлар Озьбекистанда кутьлевий митинглер тешкилятландырдылар, мемлекет укюмет векиллеринен корюштилер, чокъ мектюплер ве къырым халкъыны ватангъа къайтармакъ ичюн талаплар, мураджаатлар яздылар. О вакъытта миллий арекет векиллерининъ ватангъа къайтув ниетлери девлет тарафындан танылмады, оларны бу таббий ниети ичюн махкеме яптылар ве джезаладылар.
Юкъарыда анъылгъан къарар кениш илян этильмеди, о тек «Ведомости Верховного Совета СССР» адлы ресмий неширде ве ерли Озьбекистан неширлеринде дердж олунды. Бу весикъанынъ башында «после освобождения в 1944 году Крыма от фашистской оккупации факты активного сотрудничества с немецкими захватчиками определенной части проживающих в Крыму татар были необоснованно отнесены ко всему татарскому населению Крыма», - деп айтылгъан эди. Бу весикъада Къырымда яшагъан татар миллетине менсюп ватандашлардан къабаатлав лягъу этильди, лякин мында олар (къырымлар) «укоренились на территории Узбекской и других союзных республик», деп тасдикълангъан.
Бу эмирден сонъ къабул этильген къарарда «граждане татарской национальности и члены их семей пользуются правом, как и все граждане СССР, проживать на всей территории в соответствии с действующим законодательством о трудоустройстве и паспортном режиме», деп айтылгъан. Амма бу весикъаны тек реабилитация олгъаны дегиль де, башкъаджа да анъламакъ мумкюн эди. Онынъ ичинде сынъырланув энди кирсетильген эди.
Весикъаны халкъ арасында озьгюн тарзда илян эттилер. Къырымлардан олгъан коммунистлерни фиркъа топлашувларына давет этип, бу къарарны тарифледилер ве ватангъа къайтмагъа истеклерини унутмагъа ча-гъырдылар, таби олмагъанлар джезаланаджагъыны бильдирдилер.
«Укоренение» акъкъында тезисни ве «граждане татарской национальности, ранее проживавшие в Крыму» этнонимнинъ анълашылмагъан тарзы къырым халкъыны сескендирмеди, бу къарар ватангъа ёл ачкъан весикъа киби къабул этильди.
Къырымтатар миллий арекетининъ фааль иштиракчилери бу весикъанынъ манасыны тез анъладылар: «Указ 1967 г. - не политическая реабилитация и даже не амнистия». Биринджи репатриантлар Къырымгъа кельген сонъ бу акъикъатны деръал озь омюринде дуйдылар: 1967с. сонъунадже Къырымгъа 2000 къырым адамы къайтты, лякин кимсе язылып (прописка) оламады. «Паспортный режим» деген анълам Къырымда олгъан мемурий маниаларны козьде тута эди.
Лякин репатриантларнынъ сайысы эксильмеди. 1968 сенесинедже къырымлар адындан девлет инстанцияларына мектюплернинъ сайысы артты. Оларнынъ эсас риджасы Къырымда язылмакъ эди.
1968 сенеси бу вакъиаларны козеткен генерал-укъукъкъорчалайыджы Петр Григоренко анъылгъан къарардан файдаланмагъа тырышкъан къырымлар ватангъа къайтмакъ ниетине насыл иришкенлерини ачыкъ-айдын корьди: «Весь день ходил я среди крымских татар. Разговаривал с ними, переходя с места на место. Сердце кровью обливалось при виде этих людей. Рассказать это невозможно. Надо было видеть это множество полуголых грязных детишек, спящих на цементном полу вокзала и аэропорта. Но эти еще счастливы. А как тем, что спят на голой земле в скверах?! Ночами в Северном Крыму, особенно на рассвете, холодно. Замерзшие детишки плачут. А как ты их обогреешь? Да и население, даже без вмешательства правительства, проявило бы заботу о несчастных. Симферопольцы пальцем не шевельнули, чтобы помочь. Да и как шевельнешь. Власти предупреждают: «Татарам не помогать!»… Жестокая, бездушная власть. В любой демократической стране правительство, создавшее подобную обстановку, не продержалось бы и трех дней. Оно, чтобы спасти себя, использовало бы все возможности для размещения этих людей… Пока я жив, не забуду эти картины».
«Это был самый лживый, самый лицемерный указ из всех изданных по крымским татарам», - деп изаатлады Петр Григоренко 1967с. 5-сентябрьде чыкъкъан эмирни.
Къырым обкомынынъ биринджи кятиби Н.Кириченко берген малюматларына коре, 1967с. Къырымда тек 23 къырым ерлешти ве язылды. Кутьлевий репатриациядан къачынмакъ ичюн укюмет «организованный набор рабочей силы» деген джерьянны илян этти. 1968 сенеси Къырымгъа къайткъан къырымларнынъ сайысы 1447 адам олды (оргнабор боюнджа 1188 адам ве тек 259 озь башына кельгенлерден), 1969с. - 1041 (679 ве 362), 1970с. - 515 (277 ве 238). 1970 сенелери къырымлар ичюн джедвельге алув джерьяны токътатылды.
Бу девирнинъ вакъиалары «самиздат»нен чыкъарылгъан «Судят крымских татар» деген неширде яхшы изаатлана. Нешир «Русские друзья крымских татар», деп имзалангъан. Весикъада бойле сатырлар бар: «В Крыму устраивают облавы. Крым - запретная зона для его коренных жителей татарского происхождения. Такого закона нет, но есть, видимо, на этот счет секретные инструкции и в соответствии с ними - административная практика, практика произвола и беззакония. Татары возвращаются в Крым группами, семьями, поодиночке. Возвращаются, чтобы пройти мытарства заколдованного круга: их не прописывают, потому что нет жилья, им не дают, не продают жильё, потому что нет прописки. И это в то время, когда из России и Украины государство направляет в Крым непрерывный поток переселенцев. Крыму не хватает рабочих рук. Не считая курортной полосы, в Крыму - в предгорьях и особенно в степной части полуострова - малая плотность населения. Рассчитано и доказано, что всех крымских татар - мастеров винограда и табака, потомственных хлеборобов и квалифицированных рабочих - можно разместить и трудоустроить в Крыму без малейшего ущерба для остальных жителей, и это несомненно привело бы к новому экономическому процветанию края. Ну а пока на татар, на людей без прописки, охотятся в Крыму как на диких зверей. Нарастает национальное движение крымских татар и усиливаются направленные против них репрессии».
1967с. 5-сентябрьде имзалангъан къарар боюнджа къырымларгъа бутюн СССРде яшамагъа рухсет берильген, лякин къырымларнынъ эсас меселеси - халкънынъ ватангъа кутьлевий къайтувы меселеси чезильмеди.
Совет къанунларына даа бир иезуит весикъасы къошулды. О укюметнинъ къырым меселесине олгъан мунасебетининъ янъы моделине адлиевий эсас олды. Бир бакъышта бу медениетли янашма (цивилизация), лякин онынъ темелинде дешетли адалетсизлик. «Крым без крымских татар» деген шиар денъишмеди, лякин чешит бири-бирине къаршы ве чешит-тюрлю анълангъан ифаделернен къарыштырылды. Бу вакъыттан башлап эр бир ватангъа къайтмагъа тырышкъан къырымтатар «националистически настроенный элемент», деп адландырылды ве джемаат тертиби, паспорт къурумыны бозгъан инсанлар сырасына кирсетильген. Умумен алгъанда, укюмет тарафындан къырымлар ичюн ресмий сиясет майышкъан (гибкая) олды, миллий арекетнен курешмек васталары кениш ве чешит олды.
Къырымларны даа узун ве ватангъа къайтувнынъ агъыр ёлу беклей эди. Эбет, бугунь бу вакъиаларны талиль этмек ве айны бу вакъытта тарих башкъаджа чевирильди, деп музакере этмек мумкюн. Лякин олгъаны олды… Индира Ганди айткъанына коре «История - самый лучший учитель, у которого самые плохие ученики».
Фикирлер
Фикирлеринизи языныз