Койлеримизнинъ тарихларыны язып къалдырайыкъ
19 Ноября 2008 | Миллий тарих
Белли ки, сонъки йылларда бир къач Къырым койлерининъ тарихлары китап шекилинде чыкъарылды.
Эдждатлары Янджу коюден олгъан Лейля Къадированынъ: «Кеч олмадан, шимди козьлеримизни ачып, койлеримизнинъ тарихларыны тиклемесек, шимдики ве келеджек несиллеримизге язып къалдырмасакъ, багъышланмайджакъ хатагъа ёл берирмиз», деген сёзлерини пек догъру деп саям.
Мен Балыкълава районы, Варнаутка коюнинъ сакини олам. 2004 сенесинден башлап койдешлеримнинъ корюшюв мерасимлеринде иштирак этем. Бу йыл корюшювимизде бир къач семетдешимиз коюмизнинъ тарихыны язмагъа сёз берди.
Бу куньгедже топлангъан малюматларгъа коре, коюмизден 1944 с. сюргюнлик белясына 65 къоранта - 253 адам огъратылгъан. Олар шу йылнынъ 1944 с. майыс айынынъ башында 18-ден юкъары яшлы эркеклерни трудармиягъа алып кеткенлери акъкъында малюматлар топламакъта.
Мен Варнаутканынъ эр бир мааллеси, байыры, чайыры ве дигер меракълы малюматлар акъкъында къартларымызгъа язмагъа риджа этем.
Сайгъылы койдешлерим, сюргюнликнинъ ильки йыллары къорантанъыз чеккен хорлукълары акъкъында да язып ёлланъыз.
Меним адресим:
95014 Симферополь,
ул. Станционная, 21, Музаир Решитовгъа.
Фикирлер
Фикирлеринизи языныз