~ Баш Саифе ~ Миллий арекет ~ Миллий Къурултай ~ Миллий Меджлис ~ Миллий медениет ~ Миллий тасиль ~ Миллий тарих ~ Ислям Нуру ~ Къырым къарайлар ~ Тильге итибар - ильге итибар ~ Дигер ~ Муарриет ве адрес

• Такъвим

   

  Сентябрь 2010

  ДЭ	БЗ	БЭ	СЛ	ЧР	ДА	ДЖ
  « Июня
  				1	2	3
  4	5	6	7	8	9	10
  11	12	13	14	15	16	17
  18	19	20	21	22	23	24
  25	26	27	28	29	30

Мектеп омюри

Эр сене Кефе дживарындаки Якъын-Байбугъа (Ближнее) коюнде ерлешкен 15 санлы мектепте «Живые родники» ярышынынъ биринджи туры ола. Бу сене де декабрь айында «Истидатларны къыдырамыз» девизинен невбеттеки ярыш олып кечти. Ярышта 1 - 11 сыныф талебелери иштирак эттилер.

Мектепте рус тилинде окъутылгъан 13 ве къырымтатар тилинде окъутылгъан 10 сыныф бар. Бу себептен конкурс программасы кениш ве чешит олды. Мектепте истидатлы балалар чокъ. Олар йырлайлар, ойнайлар, музыка алетлеринде чалалар.

Ярышнынъ биринджи къысымында башлангъыч сыныф талебелери иштирак эттилер.

1-б къырымтатар сыныф талебелери «Муха-Цокотуха»дан левхасы ичюн, (сыныф ребери Эльвина Асанова), 3-в сыныф талебелери Мурат Абсеттаров ве Эльзара Сеитмамбетова «Къалайлы къазан» йырыны иджра этип (сыныф ребери З.Канакова), «Экс-клюзив» ансамблининъ кучюк яштаки оюнджылар группасы (бедиий ребери Юлия Собко), «Шенъ нотачыкълар» («Весёлые нотки») хор ансамбли (бедиий ребери А.Дынкевич), 2-б къырымтатар сыныф талебелери «Чимби-римби» тюркюсини иджра этип (сыныф ребери Анифе Абибуллаева), «Келинъиз, ойнайыкъ» оюн группасынынъ оюнджылары, 4-а сыныф талебелери Анифе Абляметова ве Арина Панова яхшы нетиджелерге ириштилер.

Ярышнынъ экинджи къысымында орта ве уйкен сыныф ( 5 - 11)  талебелер озь санатларыны нумайыш эттилер. 7-б сыныф талебеси «Мелевше» фольклор ансамблининъ йырджысы Сафие Атажанова «Эки чешме» йырыны иджра этти (бедий ребери Рами Абибуллаев), «Абракадабра» оюн коллективи иджрасында «Гуллер вальси» оюны, (бедиий ребери Н.Бокач), «Эксклюзив» коллективининъ уйкен группа азаларынынъ иджра эткен оюны, «Къарадагъ» коллективининъ иджра эткен «Хайтарма» оюны (бедиий ребери Ленара Либерман) дигер йыр ве оюнлар арасында энъ яхшы деп танылды.

Бу тедбирни тербиевий ишлер боюнджа директорнынъ муавини Сусанна Абдульминова, оджа-тешкилятчы Гульмира Канакова тешкилятландырдылар. Мектеп директоры Людмила Брюхова исе къол тутты.

Ярыш мектеп талебелери ве ана-бабалар ичюн буюк байрам олды.  Ана-бабалар эр сене бу ярышны кечирмек ичюн балаларынен берабер азырлыкъ корелер. Оларгъа урбалар тикелер, тюркю ве шиирлерни огренмеге, элинден кельген сойлары ойнамагъа огренмеге ярдым этелер.

Ярыш вакъытында санада отургъан ерлеринде балаларынен берабер йырлайлар, эеджанланалар, енъишлерине къуваналар.

Алие оджапче УМЕРОВА,

Булгъанакъ кою,

Акъмесджит районы.

Фикирлер