Тилимизнинъ оджакълары
24 Дек 2008 | Тильге итибар - ильге итибар
Урьметли къырым миллетим!
Эпимизге малюм ки, абуне муддети сонъуна етип кельмекте. Шу себептен, даа миллий неширлеримизге абуне олмагъанларгъа риджада булунам.
Севимли «Къырым» газетине язылмагъа ашыкъы-нъыз! Шу джумледен бутюн миллий неширлеримизге де язылынъыз!
Миллий неширлеримиз исе булар: «Къырым», «Янъы дюнья», «Маариф ишлери», «Хидает», «Сувдагъ сеси» ве екяне меджмуамыз «Йылдыз».
Ярынгъа къалдырмайып, бугунь абуне олунъыз! Чюнки ярын кечке къала билесинъиз. Бу акъта бойле аталар сёзлери бар: «Бугуньки ишни, ярынгъа къалдырма. Кеч къалманъыз!
Абуне олсакъ «Къырым»гъа,
Ондан бильги алырмыз.
Лякъайд къалсакъ «Къырым»гъа,
Затен, джаиль къалырмыз.
Огренмеге истесек
Къырым тилин темельден,
Ана тильде лаф этмек
Керек бизге эмельден.
Чюнки миллий неширлер -
Тилимизнинъ оджагъы.
Халкъчюн мусбет хаберлер -
Бу оджакънынъ сыджагъы!
Абилькерим ВЕЛИЛЯ. Сабла кою.
Фикирлер
Фикирлеринизи языныз