Девлетчилигимиз тикленмели!
24 Янв 2009 | Миллий арекет
Бойле серлевалы джыйынтыкъ Багъчасарайда яшагъан миллий арекетнинъ фааль иштракчиси, етмиш алты яшлы Айдер Адамановнынъ учюнджи китабы. Джыйынтыкъта 1990 сенесинден башлап 2008 сенесине къадар Къырымнынъ чешит газетлеринде къырымтатар, рус, украин тилинде джердж этильген макъалелери, мектюплери ве дигер язма шекильдеки эсерлери нешир этильди.
Китапнынъ мундериджесинден корюне ки, муэллиф къырымтатар халкъынынъ акъ-укъукълары тикленювинен багълы вакъиаларны дикъкъатнен козете. О Къырымнынъ тамыр хал-къына къаршы фитнелер дердж эткен муэллифлернинъ ич бир чыкъышыны сесленювсиз къалдырмагъан. Адаманов дюньяда танылгъан, амма Украинада але бу куню танылмагъан акъикъатны текрар айтмагъа болдурмай: халкъ бар исе, о халкъта озюнинъ такъдирини чезмеге акъкъы да бар ве о эда этильмек керек:
“Единственным исторически сохранившимся, освоившим Крымский полуостров и дважды создавшим здесь своё государство народом являются крымские татары - крымцы. Это единственный из уцелевших народов, имеющий в “лице” Крыма свою историческую родину”. (с.29)
О “национальная государственность… не форма командования одного народа над другим, а лишь гарантия того, что в рамках границ национальной территории никем и ни при каких обстоятельствах условия существования нации не будут попраны. (с. 34)”, - деп даима къайд эте.
Онынъ ” Автономия в Крыму должна иметь национально-территориальный статус” адлы къыскъа, амма пек толу фикирли макъалесинде Айдер Адаманов дженктен эвельки джумхуриет - Къырым мухтариетининъ макъсады ве ички мундериджесини ача ве буны “Жизнь национальностей” (№23, 25.10.1921 с.) РСФСР миллетлер халкъ комиссариаты меджмуасындан алынгъан тезис иле тасдикълай: “Крымская республика - это закрепление максимума автономных прав и инициатив трудовых масс коренного населения в деле их культурного и экономического возрождения”. (с.36)
Муэллиф шуны да къайд эте: “неопределенность статуса крымскотатарского народа в составе современной Украины является продолжением геноцида. Невозможность самоопределения грозит народу ассимиляцией, утратой языка и самобытности. Необходима полная реабилитация репрессированного народа, определение статуса коренного народа и восстановление национальной государственности крымских татар в Крыму”. (с.75)
Окъуйыджыларнынъ дикъкъатыны озь миллетининъ такъдирине лякъайд олмагъан инсан - Айдер Адамановнынъ китабына джельп этерек, оны мытлакъа окъумагъа тевсие этемиз. Бу китап миллий арекетнинъ экинджи далгъа иштиракчилерининъ векили, ветеран ве але бу куню ог сырада арекет эткен ве умумхалкъ ишине иссесини къошкъан адамнынъ къыйметли иссеси оларакъ, къырымтатар халкъынынъ аякъасты алынгъан акъ-укъукъларыны тиклемек ве онынъ шимдики вазиетини яхшылаштырмакъны макъсат эте.
А. ХУРШУТОВ,
Ялта ш.
Муарриеттен. Буюк яшына бакъмадан Миллий арекетимизнинъ фааллери сырасында булунаяткъан Айдер Адаманов 1996-2007 сенелери радиода япкъан ве бутюнлей къырымларнынъ авдетине, халкъымыз акъ-укъукъларынынъ эм де миллий мухтариетимизнинъ тикленильмесине багъышлангъан чыкъышларындан ибарет олгъан эки диск яздыртты.
Алла сагълыгъынъызны берсин, Айдер агъа!
Фикирлер
Фикирлеринизи языныз